Mübadilə sferasında marketinqin yerinə yetirdiyi funksiyalar

Abstract

Bazar mexanizminin formalaşmasına yönəlmiş iqtisadiyyatın transformasiyası elm və təcrübə qarşısında intensiv nəzəri və praktik həllər tələb edən yeni vəzifələr qoyur. Bu baxımdan mübadilə sferasında fəaliyyət göstərən subyektlərin prinsiplərindən irəli gələn idarəetmənin bazar konsepsiyası kimi marketinqi mənimsəmək və istifadə etmək zərurəti yaranmışdır.

Bazar istehsal sferasını istehlak sferası ilə əlaqələndirmək, onlar arasında optimal nisbətləri təmin etmək, istehlakçının tələbatını ödəmək üçün mübadilə münasibətlərini istiqamətləndirmək üçün nəzərdə tutulmuşdur. Marketinqə istehlak və istehsal arasında həm birbaşa, həm də əks əlaqənin tənzimləyicisi rolu verilir. Onun aktiv istifadəsi istehsalçıya öz fəaliyyətini istehlakçıların maraqlarının hərtərəfli nəzərə alınması əsasında qurmağa, bazar problemlərini ən rasional şəkildə həll etməyə, mənfəət əldə etmək üçün bütün imkanlardan maksimum istifadə etməyə, fəaliyyətini istehlakçıların maraqlarını nəzərə alaraq planlaşdırmağa imkan verir.

Marketinqin inkişaf səviyyəsinə, onun müəssisələrin təcrübəsində tətbiq olunma dərəcəsinə görə bazar münasibətlərinin inkişaf səviyyəsini mühakimə etmək olar. Bu konsepsiya marketinqin element və üsullarını yaradıcı şəkildə istifadə etmək və inkişaf etdirmək kimi mühüm məsələləri önə çəkir. Dünya iqtisadiyyatında ssubyektlərin işinin marketinq prinsipləri əsasında təşkilinin vahid universal formaları yoxdur. Buna görə də konkret marketinq metodlarının işlənib hazırlanması və tətbiqi müəssisələrin fəaliyyət xüsusiyyətlərini və ilk növbədə onların fəaliyyət göstərdiyi bazarın xüsusiyyətlərini nəzərə alan differensiallaşdırılmış yanaşma tələb edir. Bu, marketinqin çox yönlülüyünü göstərir, onun əsas prinsipləri mübadilə münasibətlərini əhatə edən kommersiya və qeyri-kommersiya fəaliyyətinin demək olar ki, bütün sahələrində tətbiq oluna bilər. Eyni zamanda yaradıcı düşüncə konkret bazar şəraitinə uyğunlaşma tələb edir.